Bonusi i pranverës, i parashikuar për mbi 730 mijë pensionistë, do të akordohet së bashku me pensionet mujore, duke nisur nga data 1 mars 2025.
Sipas asaj që është bërë publike tashmë nga Kryeministri, si edhe nga Ministri i Ekonomisë Blendi Gonxhja, të moshuarit me pension deri në 200 mijë lekë të vjetra do të përfitojnë 100 mijë lekë bonus, kurse ata që e kanë pensionin mbi 200 mijë lekë të vjetra do të përfitojnë bonusin 50 mijë lekë.
Sipas vlerësimeve, bonusin me vlerë 100 mijë lekë e marrin 524 mijë pensionistë, për shkak se numri më i madh i pensionistëve janë në fashën e pensionit nën 200 mijë lekë lekë.
Në nëntor të vitit të kaluar, Qeveria Rama nisi një aksion kundër informalitetit të pagave, që cilësohet si një arsyet kryesore për pensionet aktuale, që kanë mbetur në nivele të ulëta.
