Kryebashkiaku Erion Veliaj, i cili u arrestua me urdhër të SPAK mesditën e 10 Shkurtit, ka mbërritur në GJKKO për rivlerësimin e masës së sigurisë.
Dhjetëra mbështetës të Erion Veliajt janë grumbulluar pranë GJKKO-së, ku rreth orës 08:30 pritet verifikimi i masës së sigurisë për kryebashkiakun socialist. Në ambientet e jashtme të GJKKO-së punonjës të bashkisë kanë pritur me ovacione dhe duartrokitje Erion Veliajn.
Mbështetësit e kanë pritur Veliajn me brohoritje: “Lali…Lali, forca lali“.
Rreth orës 08:15 ka mbërritur para Gjykatës së Posaçme edhe bashkëshortja e tij, Ajola Xoxa për të cilën është caktuar masa arrest shtëpie.
Veliaj akuzohet për korrupsion dhe pastrim parash, ndërsa Xoxa për korrupsion, pastrim parash dhe fshehje pasurie. Prokurorë të dosjes janë Olsi Dado dhe Altin Dumani, ndërsa gjyqtar Erion Bani.
