Bonusi i pranverës, i parashikuar për mbi 730 mijë pensionistë, do të shpërndahet duke nisur nga data 1 mars 2025.
Bonusi i pranverës nuk u shpërnda në shkurt siç u premtua, por qeveria Rama shpjegon se shkak për vonesën në shpërndarjen e bonusit janë bërë procedurat e brendshme.
Pensionistët do të mund ta marrin shpërblimin e premtuar në të njëjtën ditë që do të merret edhe pensioni i përmuajshëm.
Sipas asaj që është bërë publike tashmë nga Kryeministri, Edi Rama të moshuarit me pension deri në 200 mijë lekë të vjetra do të përfitojnë 100 mijë lekë bonus, kurse ata që e kanë pensionin mbi 200 mijë lekë të vjetra do të përfitojnë bonusin 50 mijë lekë.
Sipas vlerësimeve, bonusin me vlerë 100 mijë lekë e marrin 524 mijë pensionistë, për shkak se numri më i madh i pensionistëve janë në fashën e pensionit nën 200 mijë lekë lekë.
