Këshilli i Ministrave ka vendosur sot për hapjen e ambasadës së Shqipërisë në Bruksel të Belgjikës.
Në njoftimin e vendimeve të miratuara sot nga Këshilli i Ministrave thuhet se Këshilli vendosi hapjen e Ambasadës së Republikës së Shqipërisë në Bruksel, Mbretëria e Belgjikës.
Shpenzimet për hapjen e kësaj ambasade do të përballohen nga buxheti i miratuar për Ministrinë për Evropën dhe Punët e Jashtme, për vitin 2025.
Ky vendim hyn në fuqi pas botimit në “Fletoren zyrtare”./ Rilindje.info
