Teksa Presidentja e Komisionit Evropian Ursula von der Leyen pritet të takohet sot me kryeministrin Edi Rama, në orën 16:30, nga ana e qytetarëve është paralajmëruar të mbahet protestë.
“Sot ora 16:00 te Kryeministria, sot ndërsa Edi Rama takohet me Ursula Von Der Leyen ne duhet të jemi aty për të folur për Shqipërinë që nuk shfaqet në takimet zyrtare. Edi Rama kriminel, gjithë Shqipëria të urren.”, shkruhet në postimin e bërë në rrjet nga aktivistja Arvina Lleshi.
Pas gati një ore, rreth 17:30, Ursula von der Leyen dhe Edi Rama pritet të dalin në një konferencë të përbashkët për shtyp, ku pritet të bëhen publike detaje nga diskutimet dhe çështjet kryesore të vizitës.
16:30–Mbërritja në Kryeministri e Presidentes së Komisionit Europian, Ursula von der Leyen.
17:30–18:00 – Konferencë e përbashkët për shtyp e Kryeministrit Edi Rama dhe Presidentes së Komisionit Europian, Ursula von der Leyen.
Gjatë vizitës së saj treditore, Von der Leyen do të vizitojë Tiranën, Prishtinën, Podgoricën dhe Shkupin, ku do të takohet me krerët e shteteve dhe qeverive dhe do të vizitojë projekte të financuara nga Bashkimi Evropian.
