Pas prezantimit të listave të Partisë Socialiste mes emrave të pritshëm dhe atyre surprizë, shihet se pjesë kandidatëve të qarqeve nga selia rozë, janë dhe 5 emra të njohur që vinë nga opozita.
Në listën e Tiranës pjesë e saj është ish-sekretari i Përgjithshëm i Partisë së Lirisë Endrit Brahimllari, i njohur si një ndër figurat më aktive të saj. Së fundmi Brahmllari u përjashtua nga riorganizmi që kryetari i Partisë së Lirisë Ilir Meta, bëri në përpara se të vihej në pranga nga SPAK.
Një tjetër emër në Tiranë nga opozita është dhe Blendi Sulaj që ka mbajtur postin e nënkryetarit të Partisë Republikane të drejtuar nga Fatmir Mediu. Sulaj përpara se t’i bashkohej listës së Partisë Socialiste, ka drejtuar dhe degën e njësisë 9 në Tiranë në kohën kur e drejtonte Lulzim Basha pas ngjarjeve të zgjedhjeve 2021.
Një emër tjetër që mori vëmendje në listat e PS është dhe ish-deputeti i Kukësit Albana Zeneli. Zeneli ka qenë deputet në legjislaturën 2013-2017 dhe më pas ishte një ndër deputetët që nuk pranoi të digjte mandatet në 2019 pas vendimit të kryetarit të asaj kohe Lulzim Basha.
Partia Socialiste nuk ka marrë vetëm ish-funksionar nga PD dhe PR, por edhe nga PDIU e drejtuar nga Shpëtim Idrizi, ku ky i fundit për zgjedhjet e 11 majit i është bashkuar Koalicionittë Berishës. Bëhet fjalë për Nusret Avdullan i cili kandidon në listën e hapur të Fierit. Avdulla ka drejtuar degën e Fierit për PDIU dhe ka qenë deputet pas zgjedhjeve të 2021 për Qarkun e Fierit nga lista e PD-së, që asaj kohe drejtohej nga Basha.
Por edhe Ardit Bidon, i cili kandidon në Qarkun e Vlorës. Edhe një emër tjetër është dhe kandidatja për deputete në listën e mbyllur të Vlorës, Zamira Sina e cila njihet për një nga fjalimet e saj virale në 2017, kur ish-kryetari i Partisë Demokratike i asaj kohe Lulzim Basha./ Report TV
