Bashkim Shehu, djali i ish-kryeministrit shqiptar në periudhën e komunizmit Mehmet Shehu, ka deklaruar se ai është i majtë por jo me Partinë Socialiste.
Sipas tij, PS nuk ka asnjë lidhje me të majtën dhe se kjo forcë politike, është neoliberale si gjithë forca e tjera.
Më tej, Bashkim Shehu, ka deklaruar se nuk ka më kontakte me politikanët shqiptarë, as me Ramën, për të cilin tha se pushteti e ka ndryshuar dhe as me Berishën.
“Unë jam i majtë. Por jo me Partinë Socialiste. PS nuk ka asgjë të majtë. Ajo është një parti neoliberale si të gjithë të tjerat. Nuk ka shumë ndryshim nga PD, në këtë drejtim. Ndërsa social demokracia skandinave është komplet tjetër gjë. Unë i kam njohur nga afër Berishën dhe Ramën. Më shumë Ramën. Me vitet Rama ka ndryshuar sepse pushteti të ndryshon. Por u bë kohë që nuk e kam takuar. Ndërsa Berishën e kam takuar në 1991 kur dola nga burgu, kur ishte lideri i opozitës. Nuk e kam takuar më dhe nuk kam pasur marrëdhënie”, tha Bashkim Shehu.
