Sondazhi i zhvilluar nga ‘Euronews Albania’ ka nxjerre politikanin më të pëlqyer dhe më të urryerin në qarkun e Tiranës 2 muaj përpara zgjedhjeve.
Metodologjia e përdorur është kampion rastësor ku 1000 qytetarë janë pyetur “ballë për ballë” në gjithë territorin e Qarkut Tiranë. Pa dyshim që surpriza e këtij sondazhi janë politikanët e rinj të cilët kanë marrë pëlqimin e qytetarëve shqiptarë, ndërsa më i urryeri mbetet Ilir Meta. Ja rezultatet:
- Edi Rama në matjen e parë në Qarkun e Tiranës ka 50.3% mendim pozitiv dhe 47.1% mendim negativ.
- Agron Shehaj renditet i dyti me 29.9% kanë mendim pozitiv dhe 39% kanë mendim negativ.
- Adriatik Lapaj renditet i treti për mendimin pozitiv me 29.3 % dhe 39.4% mendim negativ.
- Më pas vjen Sali Berisha, 28.2% mendim pozitiv për të dhe 66.2% mendim negativ.
- I fundit për pëlqyeshmërinë është Ilir Meta me 5% mendim pozitiv dhe 85.7% mendim negativ.
