Pas pjesëmarrjes në Big Brother VIP, aktorja Julia Ilirjani iu bashkua listës së hapur Partisë Demokratike të Sali Berishës duke kandiduar për deputete në zgjedhjet e “11 majit”.
Julia Ilirjani e sheh veten si një zë të fortë në Parlament, duke premtuar se do të mbrojë interesat e qytetarëve dhe do të denoncojë problemet e tyre ekonomike dhe sociale.
“Ky regjim nuk përputhet me shijet e mia. U futa në reality show për t’u qasur më shpejt me publikun. Dua që fjala liri dhe demokraci të jenë të vërteta dhe funksionale në këtë demokraci kaq të brishtë. Veten në parlament e shoh si grua që çoj të gjithë shqetësimet e të përditshmes. Nuk do flas broçkulla dhe të bëj luftë ndërpersonale me kundërshtarët e mi politikë. Gjërat duhen folur dhe po u folën 1, 2, 3 herë do u “thyej” foltoren derisa t’i dëgjojnë mirë ato që do them”, tha Ilrijani.
