Pas motit pranveror që do të mbizotërojë këtë fundjavë, javën tjetër Shqipëria do të përjetojë një mot të nxehtë me temperatura tipike të verës.
Meteorologia e Tanja Porja tha se qytetet ku temperaturat do të arrijnë deri në 30 gradë janë Shkodra, Elbasani, Berati dhe Gjirokastra.
“Çfarë do të ndodhë për 5 ditët vijuese? Nga sot deri në mesin e javës tjetër presim temperatura shumë pranë vlerave të stinës së verës. Nga e diela do të kemi vranësira dhe të paktën pak reshje. Ajo që vlen të theksohet është se vlerat termike do të rriten nga ditë në ditë duke shënuar të dielën 25 gradë, të martën dhe të mërkurën temperatura tipike të verës termometri i afrohet temperatura 29-30 gardë në qytetet Shkodra, Elbasani, Berati dhe Gjirokastra. Mjaft nxehtë gjithë pjesa tjetër e territorit”, tha Porja.
