Kryeministri Edi Rama ishte në Lushnje ditën e sotme pak ditë para zgjedhjeve të 11 majit.
Rama tha se mandati i katërt do të jetë një moment i rëndësishëm i transformimit të Lushnjës dhe Divjakës, në aspektin e krijimit të një baze të vërtetë ushqimore të vendit.
“Ne kemi fituar në mënyrë të përsëritur këtu në Lushnjë, sikundër dhe në Divjakë. Kemi bërë gjithçka kemi mundur me fitoret tonë. Kemi arritur të bëjmë një transformim të madh deri në territoret ku shtohen tokat pjellore dhe ku ne së bashkua ia kemi dalë të rrisim në mënyrë të ndejshme prodhimin dhe eksportet bujqësore. Ia kemi dalë të ndërtojmë shkolla të reja, të ndërtojmë hapësira të reja. Ashtu si kundër ia kemi dalë të krijojmë kushte të tjera për ata që kanë nevojë për kujdesin e qendrave mjekësore. Dua të besoj se ky mandat i katërt do jetë moment i rëndësishëm i transformimit të Lushnjës dhe Divjakës, në aspektin e krijimit të një bazë të vërtetë të industrisë ushqimore të vendit, të një rrjeti infrastrukture. Ku ato që janë bërë deri më sot, do të lidhen dhe do të shtohen si një gjerdan shumë i bukur rreth territorit të dy bashkive.”, tha Rama
