Kreu i PD-së, Sali Berisha pasi votoi në qendrën e vendosur në Liceun Artistik në kuadër të zgjedhjeve parlamentare u ka bërë thirrje qytetarëve të shprehin vullnetin e tyre.
I pyetur disa herë nëse do ta pranojë rezultatin e zgjedhjeve, Sali Berisha nuk dha një përgjigje konkrete por mesa duket pas datës 12 maj do të vazhdojë “zakonin e vjetër” të pretendimit për “vjedhje imagjinare të votave”.
Do ta pranosh rezultatin e zgjedhjeve? “Sot të votojnë, për veten e tyre, për fëmijët e tyre, për pensionet dhe rrogat e tyre, për punësimin, biznesin, fermën e tyre, të votojnë për të ardhmen e fëmijëve të tyre në këtë vend. Çdo njeri që takova, takova njerëz të gëzuar, të sigurtë në votën e tyre dhe mezi presin rezultatin. Do të kemi një ditë të dytë vere. Thirrja ime është votoni, votoni”, tha Berisha.
