Kandidati i PD në zgjedhjet e 11 Majit Ilir Alimehmeti, që mori mbi 18 mijë vota, foli për zgjedhjet dhe situatën politike në vend.
Alimehmeti u pyet nëse Berisha duhet të japë dorëheqjen si kryetar i PD. Sipas Alimehmetit, çdo gjë ka etapa dhe se për momentin procesi ende nuk është mbyllur, e se kur ai të mblidhet, atëherë mund të nisë analiza në parti dhe do të merren vendimet përkatëse.
Ilir Alimehmeti: “Nuk mund të digjen etapat. Proceset kanë etapa, fillimisht është procesi, ende mund të ketë rinumërime, ka Kolegje Zgjedhore etj, kur të mbarojë procesi, ne do kemi një analizë. Pasi bëhet analiza, shikohen pikat e forta dhe të dobëta. Listat ndoshta kishin mundësi që të bëhen më mirë, e kemi thënë këtë dhe më herët. Kryesia është mbledhur e me radhë dhe do të marrim vendime përkatëse. Unë shikoj pjesën time, për momentin. Jam në vizione specifike aktualisht dhe më pas mund të bëhet analizë më e gjerë”.
