Kreu i Parisë së Lirisë ilir Meta ka mbërritur në Gjykatën e Posaçme ku po merr pjesë në seancën gjyqësore.
Meta momentalisht po kundërshton me tone të ashpra të gjitha pretendimet e Prokurorëve të Posaçëm.
Sot po mbahet seanca për shqyrtimin e kërkesës së Ilir Metës për zëvendësimin e masës së sigurisë nga “arrest me burg” në një masë më të lehtë.
Në seancën e mëparshme, SPAK paraqiti një material prej 31 faqesh, duke argumentuar se disponon fakte dhe prova që mbështesin qëndrimin e saj për vijimin e masës “arrest me burg”. Por kjo është kundërshtuar nga avokati i Metës i cili e konsideron dokumentin si të papërshtatshëm për të justifikuar qëndrimin në burg.
