Avokati i Ilir Metës, Kujtim Cakrani ka folur pas perfundimit të seancës së sotme gjyqësore në GJKKO e cila la në fuqi vendimin “arrest me burg” për ish-presidentin.
Avokati theksoi se Ilir Meta nuk ka dijeni se çka ndodhur me lobimin dhe kush ka firmosur pasi kartat bankare janë përdorur nga Monika Kryemadhi.
“Foli dhe vetë Meta 1 orë. Hodhi dritë mbi veprimet e organit të procedurës për kartën e ish bashkëshortes dhe veprim lobimi që nuk ka me emër dhe mbiemër kush ka firmosur. Pas një debati me prokurorin Kllapi, gjykata vendosi vazhdimin e masës së sigurimit.Kartat janë përdorur nga ish bashkëshortja. Meta nuk ka dijeni, nuk ka përdorur kurrë karta. Nuk ka dijeni se çka ndodhur me zonjë Kryemadhi. Janë dy entiteti të ndryshme. Mbajnë përgjegjësi për veten e vet. Zoti Meta, askush nuk e di pse duhet të qëndrojë në masën e sigurisë“, tha avokati Cakrani.
