Zv.kryeministrja Belinda Balluku ka zbritur vetë në terren për të parë situatën pas tërmetit të fortë që goditi mbrëmjen e djeshme vendin.
Nga Klosi, Balluku bëri me dije se numri i ndërtesave të dëmtuara është i paidentifikuar, ndërkohë vijon inspektimi në të gjithë zonën për të konstatuar dëmet e shkaktuara nga lëkundjet sizmike të mbrëmjes së kaluar.
“Do të merren masat për ndërtesat që konsiderohen që janë të dëmtuara nga tërmeti. Numri i ndërtesave është i paidentifikuar. Mbrëmë kanë qenë 10 kërkesa nga qytetarët këtu në Klos. Numri vijon të shtohet. Duhet të themi që kemi të bëjmë me një zonë që ka shtëpi të amortizuara. Ne kemi dosje përkatese që po verifikohen dhe se të gjithë e përsëris janë shpërblyer. Dëmshperblimi duhet për të rikonstruktuar shtepitë dhe jo per konsum familjar. Të gjitha banesat e prekura nga tërmeti i djeshëm kanë dëmtime të lehta por nuk ka pasur lëndime të njerezve”, tha Balluku.
