Sot u mbajt seanca e parë e sesionit të ri parlametar për këtë vit. Pas akuzave dhe bllokimit të foltres nga ana e Sali Berishës, një vëmendje të madhe mori edhe deputeti Agron Çela, i cili në këtë seancë u shfaq i ulur me deputetët socialistë.
Siç duket edhe nga pamjet e sotme, Agron Çela është ulur mes kolegëve të rinj të Partisë Socialiste, duke zgjedhur të ketë pranë deputetin tjetër të Shkodrës, Paulin Stërkaj, ndërsa në krahun tjetër ka Denis Deliun. Në fotot e shkrepura në Kuvend duket Agron Çela, i cili komunikon me deputetët e tjerë pas tij, por në asnjë moment nuk e ka kthyer kokën për të parë, 3 ish-kolegët e tjerë të Partisë së Lirisë, Erisa Xhixhon, Monika Kryemadhin dhe Petrit Vasilin.
Kujtojmë se pak ditë më parë Çela pati edhe një takim me kryeministrin Edi Rama, takim ky i cili i vuri vulën kalimit drejt Partisë Socialiste.
