Kryeministri Edi Rama ka deklaruar sot se puna në kantierin e rrugës Shirokë – Zogaj po vijon me ritme të mira, duke e cilësuar këtë projekt si një investim strategjik për zhvillimin ekonomik dhe turizmin në veri të vendit.
Rama shtoi se kjo rrugë do të ndihmojë në pozicionimin e Shkodrës si kryeqendër turistike dhe kulturore e rajonit, duke sjellë më shumë vizitorë.
“Vijon me ritme të mira puna në kantierin e rrugës Shirokë – Zogaj, një investim i rëndësishëm që jo vetëm do të lehtësojë qarkullimin, por do të shërbejë si një kthesë e re për turizmin, me lidhjen që do të krijojë mes Shqipërisë dhe Malit të Zi, duke e pozicionuar Shkodrën në kryeqendër të rajoni.” , shkruan Rama.
