Sinpotikani i njohur grek Sakis Arnaoutoglou, paralajmëron për fenomene të ekstreme të motit në orët e ardhshme në Shqipëri.
Sinpotikani lajmëron banorët e disa zonave në Shqipëri, por edhe turistët e shumtë, se priten sasi të mëdha shiu gjatë së shtunës, stuhi të forta me vetëtima dhe breshër të fortë.
“Nga mesdita e së shtunës dhe më pas shikoni si bëhen të errëta këto zona në Shqipëri prandaj ju që jeni ose do të shkoni në Shqipëri duhet të dini se fenomenet kohore atje do të kenë edhe forcë dhe kohëzgjatje dhe ndoshta do të ketë përmbytje të mëdha. Kujdes të gjithë ju që ndodheni atje. Nuk bëhet fjalë për një mot të zakonshëm vjeshte, kjo që vjen është një situatë ekstreme që kërkon vëmendje dhe përgatitje”, shprehet sinpotikani grek, Sakis Arnaoutoglou.
Sipas hartave, zonat më të prekura pritet të jenë: Shkodra, Lezha, Durrësi por edhe pjesë të tjera të ultësirës perëndimore.
Arnaoutoglou paralajmëron për rrezik real për përmbytje të menjëhershme, për shkak të sasisë së madhe të reshjeve që do të bien në një kohë shumë të shkurtër.
