Kreu i Departamentit “Brain Gain” në Partinë Demokratike, Andi Mustafaj, ka njoftuar se në nëntor do të largohet nga posti që mban prej tre vitesh.
Vendimin e bëri publik përmes një postimi në Facebook, duke theksuar se e kishte komunikuar paraprakisht me anëtarët e departamentit që më 5 mars 2025, për të shmangur çdo keqkuptim apo keqpërdorim gjatë periudhës zgjedhore.
Djali i Besnik Mustafaj tha se ky hap është një mënyrë për të forcuar parimin e meritokracisë brenda strukturës së PD-së, duke i hapur rrugën garës së lirë dhe transparencës.
Sipas tij, procesi i tranzicionit do të vijojë me tre hapa: në shtator do të konfirmohet anëtarësia, në tetor do të zhvillohet fushata me debate dhe prezantime, ndërsa në nëntor do të mbahen zgjedhjet për drejtimin e ri të departamentit.
