Deputeti ende në detyrë i Partisë Socialiste, Petro Koçi thotë se qeveria ”Rama 4” do të jetë e kombinuar mes konsolidimit të sektorëve ekzistues dhe emrave të rinj, duke theksuar stilin e veçantë të kryeministrit për të sjellë surpriza.
”Unë besoj se do jetë një qeveri që do konsolidojë disa sektorë, por do ketë edhe prurje të reja. Edi Rama e ka pasion surprizën. Unë besoj se do ketë një gjë të kombinuar. Do jetë një qeveri që ka sfidë kryesore integrimin evropian, por unë besoj se lufta ndaj korrupsionit duhet të jetë sfida e dytë”,-u shpreh Koçi.
Ai gjithashtu komentoi edhe përbërjen e Asamblesë Kombëtare të PS-së, duke lënë të kuptohet se ish-deputetët që nuk janë më pjesë e Kuvendit nuk do jenë as në strukturat drejtuese të partisë.
