Një kullë e re me emrin “Festival City”, pritet që t’i bashkohet Tiranës. Ky lajm është publikuar nga Archi-Tectonics, ku ka publikuar dhe fotot dhe projektin.
Sipas përshkrimit ky projekt është konceptuar brenda vizionit Tirana 2030 të Stefano Boerit, projekti riimagjinon rritjen urbane duke kombinuar dendësinë, ekologjinë dhe jetën komunitare në lagjen rezidenciale të Laprakës.
“E vendosur midis qendrës së Tiranës dhe aeroportit, Lapraka është një lagje e pozicionuar për rritje. Projekti i Archi-Tectonics e forcon këtë kontekst duke futur tre kulla banimi me nga 26 deri në 31 kate përgjatë rrugës kryesore, duke e ngushtuar masën ndërsa i afrohet mjedisit në shkallë më të vogël. Kjo strategji lejon që zhvillimi të lidhet pa probleme me kontekstin e tij, duke balancuar shkallën metropolitane me intimitetin e lagjes. Në nivelin përdhes, plani prezanton bulevarde të rrethuara me pemë, kënde lojërash dhe sheshe që e lidhin kompleksin e ri me strukturën ekzistuese”, thuhet në lajmin e publikuar nga Archi-Tectonics.
