Ambasadori i Ukrainës në Shqipëri, Volodymyr Shkurov, pas trajtimit mjekësor në Spitalin e Korçës është nisur me helikopter drejt Tiranës për mjekim të specializuar pasi pësoi infarkt.
Sipas raportimeve, Ambasadori Volodymyr Shkurov, gjatë qëndrimit në fshatin turistik të Voskopojës nën shoqërinë e bashkëshortes së tij, ka shfaqur shqetësime dhe shenja të një infarkti.
Menjëherë Shkurov u dërgua për ndihmë mjekësore në Spitalin e Korçës ndërsa tashmë mjekët kanë vlerësuar se ai duhet të dërgohet në Tiranë.
Gjendja e tij raportohet më e stabilizuar ndërsa të tjera detaje pritet të bëhen publike në vijim.
