Analisti Lorenc Vangjel ka zbuluar emrin e mundshëm që do të drejtojë Strukturën e Posaçme Kundër Korrupsionit dhe Krimit të Organizuar teksa Altin Dumani është drejt ikjes nga ky post.
Duke folur në emisionin “Trialog” në RTSH1, Vangjeli tha se një nga kandidatët e mundshëm që mund të drejtojë SPAK-un është Adnan Xholi.
“Nëse do të bëhej një bilanc i asaj që quhet epoka e Dumanit edhe me insistimin dhe frymëzimin e z. Dumani, suksesi kryesor i SPAK-ut në këto tre vjet ka qenë goditja ndaj krimit të organizuar në mënyrë të jashtëzakonshme edhe pse shumë më pak mediatik. Përgjegjës direkt i këtij sektori është z. Xholi. Ndërkaq për z. Dumani është tjetër gjë. Z. Xholi është favorit në kushte normale për shkak të rezultateve që ka ofruar, për shkak të mbështetjes së z. Dumani dhe për shkak se Shqipëria ka nevojë për disa ekulibra të rinj”, tha Vangjeli.
