Një aksident i rëndë është shënuar këtë të diel në aksin rrugor Maminas-Gjiri i Lalëzit ku janë përplasur tre automjete.
Përmes një njoftimi zyrtar, policia e shtetit bën me dije se si pasojë e aksidentit kanë mbetur të plagosur shtetaset J. K., 27 vjeçe, dhe M. K., 23 vjeçe, të cilat udhëtonin si pasagjere në njërin prej automjeteve. Të dëmtuarat po marrin ndihmë mjekësore dhe ndodhen jashtë rrezikut për jetën.
Grupi hetimor po punon për zbardhjen dhe dokumentimin e plotë të shkaqeve dhe rrethanave të aksidentit.
