Deputetja e Partisë Socialiste në qarkun e Vlorës, Brunilda Mersini ka dhënë dorëheqjen nga karrigia e saj në Kuvendin e Shqipërisë.
Ka qenë kryetari i Kuvendit, Niko Peleshi ai i cili në nisje të seancës njoftoi se Mersini ka hequr dorë nga mandati i deputetes pasi do të garojë për Bashkinë e Vlorës në zgjedhjet e pjesshme të 9 nëntorit. Si pasojë mandati i saj do t’i kalojë Briseida Çakerrit.
“Deputetja Brunilda Mersini heq dorë nga mandati si deputete. Është njoftuar KQZ për vakancën”, tha Peleshi.
