Zëvendëskryeministrja dhe njëherësh ministrja e Infrastrukturës, Belinda Balluku sapo ka prezantuar Liburn Aliun si drejtor i përgjithshëm i Autoritetit Portual Durrës. Lajmi i raportuar dje, është bërë fakt sot nga vetë numri dy i qeverisë shqiptare.
“E kam njohur në punë, dhe njerëzit njihen në punë. E kam njohur vite më parë kur kemi qenë kolegë të dy qeverive. Ai drejtonte Ministrinë e Mjedisit (në Kosovë). Ky është Liburn Aliu, arkitekt në profesion por me një karrierë të gjatë politike në Kosovë”, është shprehur Balluku.
Ajo zbuloi bisedën me Liburn Aliun e ka bërë në Shtator, pak kohë pasi ai ishte tërhequr nga politika në Kosovë dhe kishte vendosur të jetonte në Tiranë. Ministrja tha se pasi kishte marrë pëlqimin e tij, ia kishte dërguar propozimin Edi Ramës dhe ai kishte pranuar.
