Pas rreth 45 minutash, zëvendëskryeministrja Belinda Balluku doli nga ambientet e SPAK-ut.
Balluku tha se kishte pranuar kërkesën për t’u paraqitur në këtë institucion, në respekt të organeve të drejtësisë.
“Përshëndetje të gjithëve! Në respekt të organeve të drejtësisë, kam pranuar kërkesën e SPAK për një çështje nën hetim. Si qytetare dhe si zyrtare publike, e shikoj si një proces për të cilin jam shpresëplotë se do të jetë i bazuar në transparencë, llogaridhënie dhe, mbi të gjitha, mbi parimet e drejtësisë së pandryshueshme, tek e cila besoj”, deklaroi Balluku.
