Reshjet e dëborës në vendin tonë kanë krijuar një situatë problematike në disa zona. Autoriteti Rrugor Shqiptar ka bërë me dije se aktualisht në aksin Qafë Thore-Theth në zonën e tuneleve vazhdon rënia e ortekëve.
Kjo situatë ka sjellë vështirësi për mjetet dhe punëtorët për pastrimin e rrugës ndërkohë që dendësia e borës shkon deri mbi 1 metër.
“Gjatë natës dhe në orët e para të mëngjesit ka rënë intensiteti i reshjeve duke sjellë një qetësim të situatës. Rrugët janë të hapura dhe qarkullimi kryhet pa probleme. Në aksin Qafë Thore-Theth, në zonën e tuneleve, vazhdon rënia e ortekëve duke sjellë vështirësi për mjetet dhe punëtorët për pastrimin e rrugës dendësia e dëborës mbi 1 m. Tregoni kujdes të shtuar gjatë drejtimit të mjetit në kohë me reshje, pajisuni me goma dimërore dhe zinxhirë kur udhëtoni për në zonat malore“, njofton ARRSH.
