Një qendër e veçantë turistike është ngritur pranë liqenit të Marinës në Belsh. Kryeministri Edi Rama ndau sot pamje nga qendra e ideuar, ndërtuar e administruar nga Fondi Shqiptar i Zhvillimit.
Rama shkroi se, Belshi, një bashki e vogël, falë vëmendjes së madhe të qeverisë është kthyer në një destinacion turistik me atraksione që shtohen si ky i liqenit të Marinës. Pika e agroturizmit të Marinës ndodhet në mes të liqeneve të Dumresë.
“Mirëmëngjes dhe me këto pamje të një qendre krejt të veçantë turistike, ideuar, ndërtuar e administruar nga Fondi Shqiptar i Zhvillimit, pranë liqenit të Marinës në Belsh, një bashki e vogël që falë vëmendjes së madhe të qeverisë është kthyer në një destinacion turistik me atraksione që shtohen hap pas hapi, siç është edhe ky i liqenit të Marinës, ju uroj një javë të mbarë”, shkroi Rama.
