SPAK i ka drejtuar Kuvendit një kërkesë zyrtare për dhënien e autorizimit për arrestimin ose heqjen e lirisë së deputetes dhe njëkohësisht zv/kryeministres Belinda Balluku.
Në dokumentin drejtuar Kryetarit të Kuvendit dhe deputetëve, SPAK bën me dije se kërkon zëvendësimin e masave aktuale “ndalim i daljes jashtë shtetit” dhe “pezullim i ushtrimit të një detyre apo shërbimi publik”, me masën më të rëndë të sigurimit, “arrest në burg” ose “arrest shtëpie”.
Shkresa drejtuar Kuvendit mban firmën e kreut në ikje të SPAK-ut, Altin Dumanit. Prokuroria e Posaçme sqaron se Balluku është marrë e pandehur për “Shkeljen e barazisë në tendera apo ankande publike”, në lidhje me ndërtimin e tunelit të Llogarasë dhe Unazës së Madhe të Tiranës.
