Analisti Arben Meçe thotë se rasti i Belinda Ballukut është i vetmi ku SPAK-u shkel të gjitha procedurat.
”Prokurori është i vetmi që kërkon imunitetin në Parlament, jo gjykata. Pasi merr imunitetin, e dërgon në gjykatë. Në letrën e paraqitur nga prokurori ka një citim që thotë: “Në Parlament do paraqesim provat”. Sepse Parlamenti nuk është noteri i SPAK-ut, por përfaqësues i sovranit.
PS-ja e ka lëshuar mandatin për të gjithë pa përjashtim kur ia ka kërkuar SPAK-u. Për të gjitha ato çështje nuk ka pasur debat sepse shkeljet kanë qenë të vërtetuara. Kjo çështje është e vetmja ku SPAK-u shkel të gjitha procedurat. Nuk kishte arsye për pezulli”, tha Meçe.
