Ministrja e Jashtme Elisa Spiropali ka sqaruar rëndësinë e ftesës së presidenti Amerikan ku Shqipëria është vend anëtar themelues i Bordit të Paqes.
Ky bord do të shërbejë si qeveri tranzitore për të qeverisur Rripin e Gazës pas përfundimit të luftës, ndërsa Shqiperia në “Bordin e Paqes” ka statusin e anëtarit themelues.
“Presidenti i SHBA Donald Trump përmes një letre për kryeministrin, ka ftuar Shqipërinë për t’iu bashkuar një organizmi të ri ndërkombëtar në cilësinë e vendit anëtar themelues. Në krye duhet pranuar se kjo ftesë është një vlerësim i lartë, për rolin që Shqipëria ka marrë ndër vite në çështjet e paqes, në rajon dhe në gjirin e organizatave ndërkombëtare. Eta është dhe një vlerësim i drejtpërdrejtë për lidershimin e Ramës që është ftuar personalisht si anëtar i Bordit të Paqes. Ky lajm i mirë për Shqipërinë është pasur nga një lum marrëzish. Ndërkohë që Shqipëria ftohet si një bashkëthemeluese e në mekanizmi të ri ndërkombëtar që synon ndërtimin e paqes së qëndrueshme në Rripin e Gazës, opinioni publik sulmohet nga brenda nga fantazi të kundërshtarëve të kësaj qeverie. Në Tiranë plas marazi e marrin dhenë lloj lloj tregimesh me miliarda dollarë që do paguajmë, me palestinezë që do të sjellim në Shqipëri.
Modeli ynë i jashtëzakonshëm i bashkësisë fetare janë vlerë e shtuar që Shqipëria do e çojë edhe në bordin e paqes me statusin e anëtarit themelues. Sipas statusit, anëtarët themelues kanë zë të barabartë dhe peshë reale në drejtimin strategjik. Kjo ftesë është përgjegjësi e lartë shtetërore. Kjo ftesë është e mjaftueshme për të zhbërë fabrikimet lidhur me qasjen e administratës Trump ndaj qeverisë tonë apo vetë kryeministrit, të cilat kulmuan me dezinformatat për vendimin e rishikimit të politikës të qëndrimit të lejeve të punës për gati gjysmën e endeve që SHBA kanë marrëdhënie diplomatike. Ata që u turrën ta helmojnë publikun se SHBA na vendosi në listën e zezë, e kanë marrë përgjigjen, as më shumë e as më pak, por direkt nga Trump që ka nënshkruar në letër se Shqipëria është partner i mrekullueshëm dhe Rama udhëheqës i respektuar botërisht”, tha Spiropali.”, tha Spiropali.
