Këngëtarja Krusita Stafa pritet të bëhet pjesë e shtëpisë së Big Brother VIP që nga mbrëmja e sotme.
Artistja e re, e njohur për talentin dhe zërin e saj të veçantë, hyn në formatin më të ndjekur televiziv në një moment të rëndësishëm të karrierës së saj.
Krusita ka spikatur që në fëmijëri, kur u shpall fituese e “Gjeniu i Vogël 4”, duke u vlerësuar për interpretimin dhe potencialin artistik. Së fundmi, ajo riktheu vëmendjen e publikut në Kënga Magjike me këngën “Akull”, ku u rendit mes finalistëve.
Me një zë më të pjekur dhe një prezencë skenike më të konsoliduar, “Akull” u konsiderua si një nga këngët më të spikatura të festivalit dhe i solli Krusitës edhe çmimin “Best Artist to Invest”.
Hyrja e saj në Big Brother VIP pritet të sjellë interes të madh, jo vetëm për publikun e muzikës, por edhe për ndjekësit e formatit.
