Shtëpia më e famshme në Shqipëri, ajo e Big Brother Vip 5 do të presë sot dy banorë të rinj që do të trazojnë dinamikat e garës.
Një nga banorët është Alessio Alia, model dhe menaxher i njohur në industrinë e modës, me aktivitet kryesisht jashtë Shqipërisë.
Po ashtu burimet mediatike bëjnë me dije se sot do të hyjë edhe këngëtari, Marko Luca.
Hyrja e Markos dhe Alessios vjen në një moment kur dinamika brenda shtëpisë është e ndezur dhe fansat mund të presin surpriza nga karakteret e tyre dhe lidhjet që do të krijojnë me banorët aktualë.
Kujtojmë që mbrëmjen e sotme është konfirmuar edhe hyrja e Luiz Ejllit, i cili me shumë gjasa do të qëndrojë disa ditë brenda shtëpisë më të famshme duke ndryshuar dinamikat e lojës.
