Reperi i njohur Noizy, i cili shfaqej shpesh me Kryeministrin Rama në fushatë elektorale dhe të cilin ka deklaruar se e telefonon kur do ta kritikojë për diçka, ka reaguar në rrjetet sociale lidhur me protestën e zhvilluar kundër projektit në Sazan dhe zonat e mbrojtura bregdetare.
Në një postim në Instagram, Noizy shprehet kundër kritikave ndaj atyre që nuk marrin pjesë në protestë, duke përdorur një gjuhë të ashpër ndaj organizatorëve dhe mbështetësve të saj.
“Na keni ….. esht. Kush do ndryshim dilni protestë, mos na bëni si moralista si shumë se na keni ça k*”, shkruan Noizy.
Më tej, reperi thotë se nuk beson pretendimet se Shqipëria po “shitet” dhe se investitorë të huaj kanë blerë prona në vend prej vitesh.
“Nuk o tu e shit njeri Shqiprinë. Unë njof shumë polakë, rusë, grekë, gjermanë e austriakë që kanë ble toka, shtëpi e prona në Durrës”, shprehet Noizy.
Por në fund ai është penduar dhe e ka fshirë postimin, edhe pse ai është ruajtur nga mediat dhe tashmë është viral kudo.
