Është ekzekutuar vendimi i Gjykatës për lirimin e 19 protestuesve të arrestuar pas dhunës policore në protestën e së enjtes para parlamentit.
Gjykata lirimin e 12 prej tyre pa masë sigurie, ndërsa 7 të tjerët me masën “detyrim paraqitje”.
Sakaq, dy protestues të tjerë u vendosën në masën “Arrest në shtëpi”. Protestuesit e liruar u pritën nga aktivistë të shumtë jashtë komisariatit nr.3 te rruga Mine Peza.
Njëri prej protestuesve të liruar nga gjykata sot në Tiranë ishte dhe Niko Qarkaj, historia e të cilit ngjalli shumë irritim te protestuesit dhe qytetarët.
Qarkaj dyshohet se pas arrestimit protestën e së enjtes para parlamentit, u dhunua nga policia në komisariat ndërkohë që pësoi edhe kriza epilepsie.
Sakaq, edhe sot ai pësoi krizë epilepsie gjatë seancës gjyqësore ku u lirua për mungesë provash. Pas daljes nga komisariati ku e prisnin shumë qytetarë ai hipi në kangjellat e derës së jashtme dhe nxori një kokërr vezë nga xhepi duke thënë: “Kjo ishte arma ime“, teksa vezën e hodhi brenda oborrit të komisariatit nr.3.
