Një përplasje raportohet të jetë shënuar gjatë protestës se djeshme para kryeministrisë, e cila vjen një ditë pasi aktivisti Adriatik Kurti kishte denoncuar publikisht tensionet dhe përçarjet mes grupeve që marrin pjesë në protestë.
Nuk dihen ende se cilët janë të përfshirët në përplasje, dhe as rrethanat e këtij konflikti. Teksa kujtojmë se Adriatik Kurti, ngriti akuza për gjuhë urrejtjeje ndaj grupit të “Flamingove” një ditë më parë, duke pretenduar se sipas tij disa persona të vetëquajtur konservatorë trapistë i kishin etiketuar këta protestues si “sorosjanë”.
Ai po ashtu sipar raportimeve ka pretenduar se një incident i ngjashëm është regjistruar edhe gjatë njërit prej marshimeve.
Kurti e lidhi tensionimin e situatës me një pretendim të qarkulluar ditët e fundit për një takim të Aleks Sorosit me një përfaqësi të gjerë të grupit të “Flamingove”.
“Unë dua t’u them këtyre testosteronomëdhenjëve se ju të dashur, pa grupet e majta e ambientaliste jeni thjesht nje vrimë në ujë.Rrini të qetë dhe mos e ktheni protestën në fushëbetejë ku kërkohen shtriga për t’i djegur. Digjeni tetosteronin në ndonjë palestër, ndonjë dorë apo partnere para se të vini në shesh.”, shkroi ai ndër të tjera në reagimin e tij të postuar një ditë më parë në rrjetin social “Facebook”. Megjithatë, ende nuk dihet nëse këto situata kidhen me njëra tjetrën.
