Një aksident tragjik ka ndodhur mbrëmjen e sotme në Llukar të Prishtinës, ku ka humbur jetën ish-banori i Big Brother VIP Kosova dhe influenceri, Laurent Krasniqi.
Sipas informacioneve paraprake, aksidenti ka ndodhur rreth orës 20:20, ku në të është përfshirë një automjet dhe një motoçikletë, me këtë të fundit po lëvizte Krasniqi.
29-vjeçari është dërguar me urgjencë në QKUK, por pavarësisht përpjekjeve të mjekëve, ai nuk ka mundur t’u mbijetonte dot plagëve të marra dhe ka ndërruar jetë.
Ndërsa në vendngjarje kanë shkuar menjëherë shërbimet e policisë dhe grupi hetimor, të cilët po punojnë për zbardhjen e plotë të rrethanave dhe shkaqeve të aksidentit.
“Rreth orës 20:20, kemi pranuar informatën se në fshatin Llukarë të Prishtinë, ka ndodhur një aksident trafiku. Në këtë aksident ka qenë i përfshirë një automjet dhe një motoçikletë. Si pasojë e aksidentit motoçiklisti ka vdekur. Vdekja e viktimës (mashkull) është konstatuar nga ekipi mjekësor në QKUK. Me rastin po merret njësiti i trafikut rajonal”, ka theksuar zëdhënëse e Policisë së Kosovës për rajonin e Prishtinës.
