Qindra shqiptarë kanë udhëtuar drejt Hagës, aty ku sot janë vendosur para Gjykatës në pritje të lirimit të ish-krerëve të UÇK-së. Në mbështetje të çlirimtarëve, shqiptarë nga vende të ndryshme të botës nga: Amerika, Gjermania, Zvicvra, Shiqpëria, Hollanda, Belgjika, kanë zbarkuar mëngjesin e sotëm para Gjykatës së Hagës, ndërsa të emocionuar janë shprehur se mezi presin shpalljen e pafajësisë për ish-krerët që luftuan për mbrojtjen e vendit dhe popullit të Kosovës.
Deri më tani bëhet me dijes e janë futur brenda gjykatës familjarët e Rexhep Selimit, ndërsa po vijon të hyjë brenda institucionit i cili do të vulosë sot fatin e çlirimtarëve dhe djali i Hashim Thaçit. Bëhet me dije se deri më tani janë futur brenda gjykatës familjarët e Veselit, Selimit dhe Thaçit, ndërsa pritet të mbërrijnë dhe të afërmit e Krasniqit.
Prej gjashtë vitesh familjarët e katërshes së UÇK-së janë zhgënjyer nga drejtësia europiane e cila ka lënë prapa hekurave për 6 vite njerëzit që luftuan në të mirën e vendit të Kosovës. Qindra qytetarë kanë mbushur sot Hagën, në mesin e të cilëve mbizotërojnë moshat e reja, të cilët në prononcime të dhëna për mediat janë shprehur shpresëplotë se sot katërshja do të fitojë lirinë.
Ndërsa bëhet me dije se të pranishmëve u është kërkuar të zhvendosen nga hapësirat përreth ndërtesës, në pritje të shpalljes së aktgjykimit.
Deri më tani mbetet e paqartë nëse në Hagë ka mbërritur ndonjë përfaqësues i autoriteteve nga Shqipëria apo Maqedonia. Megjithatë mbetet për t’u parë në vijim se cili do të jetë vendimi historik për Kosovën e jo vetëm.
I pari që do të ngrihet në këmbë dhe do të njihet me verdiktin e drejtësisë do të jetë Hashim Thaçi, e më vonë tri miqtë e tij. Edhe nëse Thaçi shpallet sot i pafajshëm ai nuk fiton dot lirinë e plotë sot duke qenë se ndaj tij është akoma i hapur dhe procesi gjyqësor në lidhje me çështjen për pengim drejtësie. Ndërsa treshja tjetër, mundet që sot të lërë qelinë nëse Haga i shpall ata të pafajshëm. Në të kundërt ata do të vuajnë nga 45 vite burg për krimet e luftës dhe ndaj njerëzimit.
