Bordi i Transparencës ka ndryshuar çmimet e karburanteve, për herë të parë që nga rikthimi i tij në funksion nga Ministria e Ekonomisë.
Në njoftimin e bërë me dije për mediat, nafta dhe benzina kanë pësuar rënie. Nafta ka pësuar rënie me 12 lekë dhe do të shitet me 207 lekë/litër, ndërsa benzina do të shitet 183 lekë/litër.
Çmimet e caktuara nga Bordi do të hynë në fuqi sot datë 19 ora 16.00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.
