Taulant Balla ka publikuar në rrjetet sociale një video ku pretendon se shfaqen persona me bomba molotov në duar, duke dalë nga selia e Partisë Demokratike.
Në pamjet e publikuara, disa persona shihen duke dalë me vrap nga godina e PD-së dhe duke u drejtuar për nga Unaza e Vogël, në drejtim të bulevardit ku po zhvillohet protesta e studentëve.
Videoja është shpërndarë nga Balla në profilin e tij në Facebook, ndërsa përmes këtij postimi ai ngre akuza ndaj selisë së demokratëve, duke e cilësuar atë si vendin ku mbahen molotovët që përdoren gjatë protestës. “Depoja e molotovëve, selia e PD”, shkruan Taulant Balla në postimin e tij.
Deri më tani, pamjet janë publikuar nga vetë deputeti socialist, ndërsa pretendimi i ngritur prej tij lidhet me personat që shihen në video dhe me vendin nga ku ata dalin.
