Kryeministri Edi Rama ka ftuar sërish këtë të hënë protestuesit për dialog, pavarësisht refuzimeve të vazhdueshme të tyre.
Si çdo ditë, edhe këtë mëngjes, Rama ka vendosur një tryezë prej guri përpara Kryeministrisë, mbi të cilën ka vendosur disa fletë me mbishkrimin “Dialog”.
Përmes një postimi në rrjetet sociale, kreu i qeverisë ka publikuar një video të tryezës, të cilën e ka shoqëruar me mbishkrimin: “Mirëmëngjes”.
Rama ka bërë të qartë se nuk ka ndërmend të largohet nga qeveria, ndërsa ka shprehur gatishmërinë për të zhvilluar bisedime me studentët protestues, duke i ftuar vazhdimisht të ulen në tryezën e dialogut.
