Për të lehtësuar edhe më shumë qarkullimin e mjeteve, e gjithë “Unaza e Vogël” në kryeqytet do të shtrohet me asfalt të ri dhe do të pajisen me sinjalistikën e nevojshme.
Gjithashtu, një ndryshim i madh do të vijë në mes të qendrës së Tiranës pasi një terminal autobusësh urbanë, do të ndërtohet në hapësirën prapa Teatrit të Operës dhe Baletit. Ndërkohë pritet që këtë verë në Tiranë të nisin funksionimin linjat e autobusëve të shpejtë.
Ndryshimi tjetër do vijë në 3 linja: linja Kombinat – Kinostudio, Unaza klasike dhe linja tjetër e Tiranës së Re. Këto 3 linja, duke filluar nga vera, do të kalojnë në sistemin që quhet “Bus Rapid Transit”, lëvizje e shpejtë me autobus.
