Kryeministrat Edi Rama dhe Dritan Abazoviç kanë nënshkruar 11 marrëveshje të rëndësishme në mbledhjen e përbashkët të dy qeverie. Një ndër to është dhe ndërtimi i urës mbi Lumin Buna, një projekt tepër i rëndësishëm për dy vendet.
Abazoviç tha se ndërtimi i urës mbi Bunë do të kushtojë afër 20 milionë euro dhe se nëse të dy vendet ndajnë shpenzimet, shuma nuk është e madhe. Mes batutash, Rama tha se në Malin e Zi rrogat janë më të larta, ndaj ata mund ta paguajnë vetë urën.
“Projekt-idenë e mbuluam me fondet tona, ndërsa ndërtimin do ta mbulojmë me fonde të përbashkëta, në Mal të Zi rrogat janë më të larta, ndaj nuk ka mundësi që Shqipëria të paguajë urën, nëse e ka paguar tashmë projekt-idenë”, tha Rama.
