Kalimi në pikat kufitare me Greqinë do të jetë gati i pamundur gjatë ditës së sotme nga ora 9 e mëngjesit deri në 6 të pasdites.
Policia e Shtetit bën me dije se shkak për ndërprerjet do të bëhet instalimi i sistemit të ri në dogana. Sugjerohet që udhëtarët të shmangin kalimin në pikën kufitare në harkun kohor 09:00 – 18:00, të datës 07.03.2023.
“Njoftojmë qytetarët dhe drejtuesit e automjeteve që kanë planifikuar të udhëtojnë drejt Greqisë apo anasjelltas, se nga ora 09:00 deri në orën 18:00 të datës 07.03.2023, në pikat e kalimit kufitar në palën greke, për shkak se do të kryen punime në sistemin e përpunimit të të dhënave, me qëllim instalimin e sistemit të ri SIS, do të ketë vonesa dhe ndërprerje të herëpashershme të punës. Nuk do të kenë pengesa për të kaluar vetëm shtetasit grekë dhe shtetasit që kanë leje qëndrimi në Greqi”, shkruan njofton.
