Analisti Fatos Lubonja foli mbi raportin e OSBE/ODIHR për zgjedhjet e 11 majit për të cilin theksoi se ndërkombëtarët në Shqipëri nuk kanë qenë një arbitër i mirë në garën politike, por shumë i keq.
Sipas tij, ata e konsiderojnë Shqipërinë shtet të dorës së dytë ndërsa nuk kanë vendosur ende një standard se kur zgjedhjet duhet të quhen të pavlefshme.
“Mendoj që në nëse do marrim për arbitër ndërkombëtarët, nuk mund të quhen arbitër i mirë, por shumë i keq. Sepse e kam thënë dikur kur bëheshin zgjedhjet. Pyetja që ngrihet është kur quhen të pavlefshme zgjedhjet. Cili është standardi për të thënë që këto janë të pavlefshme? Ky lloj arbitrimi mungon. Ne na konsiderojnë si shtet të dorës së dytë. Mirë e kanë këtë Ramën si Bin Selmanin e Arabisë. Si ka mundësi në mandatin e katërt 83 deputetë? Me zv.kryeministrin të arratisur, me kryebashkiakun vjedhës serial. Ç’është ky popull? Është budalla që të voton akoma? Refuzoj të flasë që ndryshon Kodi Zgjedhor dhe Rama ndryshon. Rotacioni është më i rëndësishëm se çdo gjë. Berisha gjënë më të rëndë që ka bërë në politikë, ka qenë viti 97.
Kur u bë fushata e 2005-ës, PS kulmin e propagandës anti Berisha kishte 97. Dhe e votuan Berishën. Ai fitoi se donte të dënonte korrupsionin. Ndryshon diskursi im e ka fajin Berisha”, tha Lubonja.
