Qarku i Korçës orët e fundit është goditur nga moti i keq, si reshjet e dëborës dhe ulje të ndjeshme të temperaturave.
Bëhet me dije se temperaturat në Korçë kanë rënë nën -8 gradë Celsius, ndërsa dëbora ka shkuar në trashësinë 15-20 centimetra në zona te caktuara.
Autoritetet bëjnë me dije se akset ku ka rënë dëborë dhe shoferët duhet të bëjnë kujdes janë: Korçë-Voskopojë, Korçë-Qafa e Qarrit-Ersekë-Leskovik dhe rrugët pranë Dardhës. Njekohesisht, borëpastrueset kanë nisur punën për lehtësimin e qarkullimit të mjeteve dhe kriposjen e rrugës. Shoferët që udhëtojnë gjatë natës duhet të bëjnë kujdes pasi në rrugë mund të ketë shtresa akulli që mund të kthehen në objekt aksidenti.
