Avokati Idajet Beqiri komentoi arrestimin e Ilir Metës, teksa u shpreh se shqiptarët panë që në këtë vend reforma në drejtësi po jep efektet e veta.
Avokati tha se ditën e arrestimit të Ilir Metës ishte një gëzim i madh popullor pasi SPAK ka filluar të “godasë” kokat e mëdha të korrupsionit.
“Problemi është që arrestimi i Metës ishte një ogur i mire, por Shqipëria dhe shqiptarët sepse panë më në fund që në këtë vend reforma në drejtësi po jep efektet e veta sepse po godet njeriun më të korruptuar dhe të kriminalizuar. Një popull i tërë jo për ta politizuar apo për ta bërë më të madhe nga çfarë është thuajse u shndërrua në një gëzim kombëtar dhe në një çelje të syve dhe mendjes së shqiptarëve për të thënë që ky vend po bëhet me drejtësi. Pas Sali Berishës, goditja e tij shihet një ngjarje madhore”, tha Beqiri në ABC News.
