Deputeti socialist Erion Braçe ka reaguar pasi Sali Berishës u bëri thirrje fëmijëve që të mos shkojnë në shkolle por të mbrojnë mbylljen e TikTok.
Deputeti socialist thotë se kjo thirrje e Sali Berishës është një tmerr që futet në veshët e çdo prindi që do që fëmija i tij të bëhet i ditur.
Braçe thotë se Berisha ka probleme mendore pasi fëmijët nuk bëhen të ditur me kallashnikov në TikTok.
“Çfarë duhet të jesh që t’i thërrasësh një fëmije: mos shko në shkollë se të kanë mbyll TikTok! Por rri në TikTok, mos mëso, se po të mësosh të bën dëm, mos nxë se po të nxësh të bën dëm, por të lexosh e të rrish në TikTok. Duhet të kesh probleme të mëdha, shumë të mëdha mentale që t’i thuash një fëmije që po të pengojnë lirinë e shprehjes. Dhe po ta pengojnë lirinë e shprehjes se kanë mbyllur TikTok. Nuk e di po është një tmerr, një tmerr që vazhdon dhe hyn në veshët e çdo fëmije, hyn në veshët e çdo prindi që praktikisht do që fëmija i tij të bëhet i ditur. Dhe i ditur përmes kallashnikovëve në TikTok nuk bëhesh”, tha Braçe.
